Beschrijving
Herman Theunissen (*1946, Slek) wirkdje ruum 9 jaor es vriewilliger bie Lokale Ómroop Ech-Zöstere (LOES). Op vriedigaovendj prissenteerdje hae ’n aantal jaore Weekend Sport en op zóndigmörge drejde hae mit versjillende collega’s plaetjes op verzeuk. Op goonsdigaovendj goof ’t ummer Herman’s Tirolerexpress. Behalve op sjoane meziek trakteerdje Herman zien loesterieërs ouch ummer op ‘ne ‘Spräök van de waek’, dae aan de handj van ’n verhaol geïntroduceerdj waerdje. Ónger aanmoediging van dochter Laura zóch Herman 52 van zien sjoanste verhaole oet, zoadet ger ’n jaor lank edere waek ’n nuuj verhaol mit ‘ne zelfbedachdje spreuk kèntj laeze. Móge dit book uch ammesere en mesjiens ouch waal inspire. Op 78 jäörige laeftied nog ’n book oetbrènge, det geitj! Of wie Herman ’t zoe zègke: “Alles geitj, allein ‘ne kwekker neet, dae sprungtj.”
