Gedichskes:
Sinds mei 2020 stuurt Laura häör gedichskes de waereld in. Geïnspireerd wurdj ‘t door zien eige ervaringe. Laura liëerdje det ‘t laeve hieël sjoan kèn zeen, maar det ‘t dèks ouch de nuuedige oetdaginge mit zich mitbrungt.
‘t Allerieëste gedichske det Laura begin 2020 sjreef, lieët zeen, wie Laura hie taege aan kik:
Soms zit ‘t taege
Soms zit ‘t mit
‘t Laeve is neet altied mekkelik
Daovan krigs se pit
‘t Sjrieve is veur Laura ‘n maneer om häör gedachtes en emoties toe te laote en häör deepste verlanges en druime te óngerzeuke. Door hie aope euver te zeen verbèntj ‘t zich mit de luuj óm zich haer.
Laura’s gedichskes zeen kort maar krachtig. Ze bestaon doorgaons oet 4 à 8 regels. Hie ónger volge ‘n aantal veurbeeldje:
Sjriefproces:
Laura sjrif häör gedichskes meistal nao ’n intensieve periode. ’t Maak den de kop laeg of probeert dènger te verwèrke. Puur op geveul en zónger al te väöl naodenke, beginne de wäörd den meistal es vanzelf oet häör pen te struime.
Meistal lieët Laura de gedichskes daonao ieës ’n tiedje ligke en de inhoud d’rvan röste. Daonao begint ’t veur häör fijnste óngerdeil van häör sjriefproces: mit ’n sjoane zwarte pen en op ‘n A4-papier sjrif ’t de gedichskes vervolges ‘in ’t net’ euver. De gedichskes waere op dees maneer klaor gemaak óm mit anger minse gedeild te waere.
Daonao zeukt, plökt of köpt Laura bleumkes óm de gedichskes ’n extra sjoane oetstraoling mit te gaeve. Laura’s leefde veur blome baseert op de gedachte, det weer minse net wie blome zeen. V’r kómme in allerlei saorte, kluuere en maote veur en drage allemaol ’n bepaolde sjoanheid in ós. Op zichzelf zeen v’r al de meuite waerd en uniek, maar same kènne v’r ’n hieël sjoan gezelsjap vórme en ’t laeve nog sjoner make:
“Minse zeen wie blome
Allemaol uniek
‘n Riekdóm aan kluuere en vórme
Same manjefiek”
Es lètste stap fotografeert Laura häör gedichskes óm ze d’rnao via sociale media mit häör laezers te deile:
